வீடு தீப்பற்றியதில் கணவன் செய்த செயல்: மனைவி பரிதாபமாக உயிரிழப்பு - ஐபிசி தமிழ்
Source: IBC Tamil
புத்தளம் - ஆராச்சிக்கட்டுவ காவல்துறை பிரிவிற்குட்பட்ட கிரிவல்கலை பகுதியில் இடம்பெற்ற தீ விபத்தில் பெண் ஒருவர் உயிரிழந்துள்ளதாக ஆராச்சிக்கட்டுவ காவல்துறையினர் தெரிவித்துள்ளனர்.
இச்சம்பவமானது நேற்று (23) இரவு இடம்பெற்றுள்ளதாக தெரிவிக்கப்படுகின்றது.
இதன்போது கிரிவல்கலை பிரதேசத்தை சேர்ந்த 65 வயதுடைய பெண் ஒருவரே இவ்வாறு உயிரிழந்துள்ளார்.
இந்த தீ விபத்தில் உயிரிழந்த பெண் தனது கணவருடன் தென்னோலைகளால் அமைக்கப்பட்ட சிறிய வீட்டில் வசித்து வந்துள்ளதுடன், வீடு தீப்பிடித்தமைக்கான காரணம் இதுவரையில் தெரியவரவில்லை என காவல்துறையினர் தெரிவித்துள்ளனர்.
சம்பவம் தொடர்பில் உயிரிழந்த பெண்ணின் கணவர் ஆராச்சிக்கட்டுவ காவல்துறையினரால் கைது செய்யப்பட்டுள்ளார்.
வீடு தீப்பற்றி எரிந்த போது கணவர் வேகமாக வெளியே குதித்து உயிரை காப்பாற்றிக் கொண்டதாக காவல்துறையினரின் விசாரணையில் தெரியவந்துள்ளது.
மேலும், இச்சம்பவம் தொடர்பான மேலதிக விசாரணைகளை ஆராச்சிக்கட்டுவ காவல்துறையினர் மேற்கொண்டு வருகின்றனர்.
